[關閉]

作者: 賴立強弟兄

我的信主及受浸見證

《我的信主及受浸見證》 賴立強弟兄（讚頌之園） 其實我係大概小學四、五年開始返教會.當時期主要原因就參加基督少年軍。因為朋友同我講可以玩又可以識多d野。慢慢開始認識呢個信仰，當時經過好多聚會、慢慢地可始祈禱、開始感覺到神既存在，更加係一個佈道會裡面决志信主。可能因為信仰唔夠堅定而且當時年紀輕，返多五、六年後開始愈黎愈同神疏遠，加上搬屋既關係，屋企同教會有一段距離。慢慢就無返教會啦。 雖然我無返教會但係我依然每日都祈禱、但係因為時間慢慢咁變成有事發生或者人生失意既時候先祈禱，係我信仰裡面浮浮沈沈既日子令我經歷最心該既一次。就係媽媽突然患了癌症。係果段時間既我完完全全失去左信仰，根本連祈禱都唔會存在係我腦海裡面，直至媽媽被送入手術室當日，我坐左係手術室門口等既時候、我好擔心完全唔知可以做乜、係呢個時候我抬起頭發現一個十字架係牆上，我終於記得我既神存在。我立刻低頭祈禱亦不斷同神認錯，錯在我完完全全把我既神忘記，我係呢個祈禱裡面，我感覺到神對我講你忘記左你既信仰並唔代表我會忘記你，係神既大愛裡面會保守我地，我係呢一刻感受神既愛好似父親對兒子不離不棄既大愛，保守住我。呢次後我想重建我既信仰，可始返我禱告既習慣，當然同好多人一樣唔夠堅定所以一直都無重返教會。 直至我同阿珊拍拖之後佢開始帶我返教會，我斷斷續續回到呢到。我每次返到PP到見到崇兄義不容辭去服侍教會。我留意到佢對每一個新黎教會既人都好熱情對待，當然包括我在內。我知佢既熱情係源於佢對信仰既堅定，同埋回應返神既愛。就係咁對我信仰既提醒。要堅定自己既信仰、就要踏出第一步回應神既愛所以我細心諗過後決定受浸加入教會、堅定信仰回應神既愛一生跟隨主。